Esta solicitude é para a concesión de axudas destinadas a adquisición de material escolar (todo tipo de material excepto os libros de texto e dispositivos electrónicos), co fin de promover o principio e igualdade no exercicio do dereito á educación e compensar ás familias para facer fronte aos gastos derivados da escolarización dos seus fillos matriculados nos cursos de segundo ciclo de Educación Infantil, Educación Primaria e ESO.

Artigo 1º.- Obxecto da convocatoria.
1.- A igualdade de oportunidades ante o ensino é un dos retos principais que deben afrontar os poderes públicos para facer efectivo o dereito á educación. Unha das medidas fundamentais é o establecemento dun sistema de bolsas e axudas que posibiliten o acceso e continuidade nos estudos. Constitúe o obxecto das presentes bases convocar axudas para a adquisición de material escolar (todo tipo de material excepto os libros de texto e dispositivos eléctrónicos), destinadas ás familias que se atopen nunhas condiciones socio-económicas menos vantaxosas.
2.- O importe global máximo que o Concello destinará á concesión destas axudas será de 10.000,00 euros, con cargo a aplicación orzamentaria 326.48002, do orzamento do ano 2021.
3.- As axudas concedidas en virtude da presente ordenanza serán compatibles con calquera outra axuda que se poida percibir coa mesma finalidade doutras entidades públicas ou persoais, sempre que as axudas concorrentes non superen o custo do material escolar subvencionado.

Artigo 2º.- Destinatarios das axudas.
1.- Para os efectos destas bases, considerarase unidade familiar: os núcleos de convivencia formados polos pais/nais ou titores e os fillos/fillas menores de 18 anos, empadroados no Concello de Pontedeume e no mesmo domicilio, na data de publicación desta convocatoria.
No caso de divorcio, separación legal ou de feito dos proxenitores, non se considerará membro computable aquel de eles que non conviva cos fillos ou fillas.
No entanto, no seu caso, terá a consideración de membro computable o novo cónxuxe ou parella de feito, e as rendas incluiranse dentro do cómputo da renda familiar.
Nos supostos de custodia compartida incluiranse ambos os proxenitores dentro do cómputo da renda familiar.
2.- Poderá optar a estas axudas o alumnado de segundo ciclo de Educación Infantil, de Educación Primaria e de Educación Secundaria Obrigatoria, durante cúrsoo escolar 2021 – 2022, pertencentes a unidades familiares empadroadas no Concello de Pontedeume.
3.- Para poder ser beneficiaria/ou destas axudas, a/o solicitante deberá estar empadroado no Concello de Pontedeume, cunha antigüidade mínima de dous anos (segundo o disposto no artigo 11 da Ordenanza xeral de subvencións do Concello de Pontedeume). Todos os membros da unidade familiar teñen que estar empadroados no mesmo domicilio. Estes requisitos deberán cumprirse na data de publicación desta convocatoria.
4.- A unidade familiar non poderá superar o límite de ingresos anuais establecido na seguinte táboa. A efectos destas bases, teñen a consideración de ingresos, a suma da base impoñible xeneral máis a base impoñible do aforro, do Imposto sobre a Renda das Persoas Físicas do exercicio 2019, de todos os membros computables. Para as persoas non obrigadas a declarar, as bases impoñibles ás que se fai referencia, obteranse como resultado de aplicarlle aos datos que consten na Axencia Estatal de Administración Tributaria os criterios da lexislación do Imposto sobre Réndaa das Persoas Físicas.
Número de membros da unidade familiar Límite de renda anual familiar
Unidade familiar de 2 membros............. 18.980,64€ (2,8 x IPREM)
Unidade familiar de 3 membros............. 23.725,80€ (3,5 x IPREM)
Unidade familiar de 4 membros............. 27.793,08€ (4,1 x IPREM)
Unidade familiar de 5 membros............. 31.182,48€ (4,6 x IPREM)
Unidade familiar de 6 membros............. 33.894,00€ (5 x IPREM)
A partir do sexto membro, engadiranse 2.033,64€ (0,3 x IPREM) por cada novo membro computable.
Os solicitantes que superen a renda anual fixada para cada unidade familiar segundo o seu número de membros, non terán dereito á axuda.
5.- As solicitudes que cumpran os requisitos establecidos nos puntos anteriores, Serán avaliadas segundo os criterios fixados no artigo 4. As axudas adxudicaranse por estrita orde de puntuación, ata esgotar a consignación orzamentaria dispoñible á que se fai referencia no artigo 1. En caso de empate, atenderase ao maior número de fillos escolarizados e si o empate persiste terase en consideración a renda per cápita máis baixa.